ʔex kenm?

Hen̓łeʔ kp nək̓ʷnuk̓ʷeʔ
ʔex kp n̓ ƛ̓uʔ y̓e nek̓ʷnuk̓ʷeʔ

ʔex kn ƛ̓uʔ y̓e nceweʔ, ... nke
xʷʔit ł nscəw wuł skʷul
ʔesp̓aqʷsne te skʷuleyt wuł skʷulełxʷ tekm he siƛ̓q̓t (hehe)
qəʔnimne ł skʷuleyt te spilex̣ms ƛ̓ixʷeł te ʔesptinusms


ʔex kn nes wuł kekeʔłesełxʷ wuł "UofA"
nes kn wuł Economics,
Human Geography,
Education Psychology,
ʔeł ne ws sʔuyuʔs ł ƛ̓uʔsqayxʷ (ʔeł ƛ̓ixʷeł he seytknmx) nł Native Studies
ʔex kn nł Native Studies Faculty,  netiyxs he ƛ̓uʔsqəyqayxʷ nʔeyeʔ "neechi"
ptinusmne netiyxs "Snək̓ʷnuk̓ʷeʔ"
ʔeł xʷuy̓ kn nes wuł Education Faculty.
Y̓e he nswewkʷ te sp̓entsne wuł skʷul
təʔtəʔe kn nes wuł skʷul tł ciykstłszenxʷ!.. uh... ʔeł y̓eminne te skʷul
ptinusmne c̓iʔ teʔe k sx̣ʷox̣ʷstmne te skʷuleyt kn ncewe
xʷʔit te swikne te sc̓əqʷc̓oqʷ (tekm te sixƛ̓q̓t)

y̓eminne ł nscəw
ʔeł ƛ̓uʔ y̓eminne ł nskʷəlkʷuleyt

k̓ʔesminne ł skʷulkʷuleyt wuł NVIT :D
xʷʔit he skʷəlkʷuleyt wułuʔe wuł Merritt, ʔex nukʷ ƛ̓uʔsqayxʷ

təʔteʔe k sc̓iʔ teʔe nʔeyeʔ nł UofA.
ʔex ƛ̓uʔ nł "Native Studies" teʔteʔ k ṣawaṣis xʷʔit te skʷəlkʷuleyt
ƛ̓ix̣ʷeł he seytknmx nʔeyeʔ
ʔex nke təʔe k snw̓ens wuł skʷul?
teʔteʔe k sx̣ʷoxʷtc nke tes scəwms te skʷuleyt?
? teʔe k snesc wuł skʷul te skʷəlkʷuleyt?
teʔe k sx̣əkstene?
....
c̓eʔ xeʔe he nsptinusm
c̓eʔ xeʔe he nswikm

sewne ł sməłmułec wuł he Aboriginal Support Services Center cʔeył
"when̓ ł qəłqəłmin?"
ʔeł, "ʔex n̓ ƛ̓uʔsqayxʷ te skʷəlkʷuleyt wuł Native Studies?"
TBC...